“Mehfilein Lut Gaein, Jazbaat Ne Dam Tor Dia “

Mehfilein Lut Gaein Jazbaat Ne Dam Tor Diya

Saaz Khamosh Hein Naghmaat Ne Dam Tor Diya

Har Musarat Gham-E-Deeroze Ka Unwaan Bani

Waqt Ke Goud Mein Lamhaat Ne Dam Tor Diya

An Gint Mehfilein Mehroom Chiraghaan Hein Abhe

Kon Kehta Hai Ke Zulmaat Ne Dam Tor Diya

Aj Phir Bujh Gaye Jal Jal K Umeedoon K Chiragh

Aaj Phir Taroon Bhari Raat Ne Dam Tor Diya

Jin Se Afsana-E-Hasti Mein Tasalsul Tha Kabhe

In Mohabbat Ke Riwayaat Ne Dam Tor Diya

Jhilmilatay Hue Ashkon Ke Lari Toot Gai

Jagmagati Hui Barsaat Ne Dam Tor Dia

Haay Aadaab-E-Mohabbat K Taqazay “Saghar”

Lab Hilay Or Shikayat Ne Dam Tor Diya…!!!

(Saghar Siddiqui)

Advertisements
Panel 1

About

A short discription of my life, which I describe in my own poetry.